ኢተምድ በ19ኛው የአፍሪካ ሥነ-ልክ ድርጅት (AFRIMETS) ጠቅላላ ጉባኤ እየተሳተፈ ይገኛል።

ሐምሌ 29 ቀን 2018 ዓ.ም

አዲስ አበባ (ኢተምድ)

==================

የአፍሪካ አህጉራዊ ነፃ ንግድ ቀጠና (AfCFTA) ስኬታማ እንዲሆን ከታሪፍ ቅነሳ ጎን ለጎን ተዓማኒ የጥራት መሠረተ ልማት መዘርጋት ወሳኝ መሆኑን የንግድና ቀጠናዊ ትስስር ሚኒስትር ካሳሁን ጎፌ (ዶ/ር) ገለጹ። ሚኒስትሩ ይህንን ያመለከቱት በኢትዮጵያ ሥነ-ልክ ኢንስቲትዩት አዘጋጅነት በጥራት መንደር “ሥነ-ልክ ለዲጂታል ሽግግር፡ ተዓማኒ ልኬቶች ለአፍሪካ የወደፊት ዕጣ ፈንታ” በሚል መሪ ቃል እየተካሄደ በሚገኘው 19ኛው የአፍሪካ ሥነ-ልክ ድርጅት (AFRIMETS) ጠቅላላ ጉባኤ መክፈቻ ላይ ተገኝተው ባስተላለፉት መልዕክት ነው።